注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

认识亮碧思

 
 
 

日志

 
 

阿肥正传--劝解上线的文章  

2008-08-28 02:01:10|  分类: 200806 |  标签: |举报 |字号 订阅

  下载LOFTER 我的照片书  |
x,一世人两兄弟,我唔会劝你一定唔好做,只系将我自己既谂法讲出黎俾你听下,我觉得有负面唔系逃避唔睇咯,而系要解决咯,唔知你依家做成点,至于我,系唔会做亮碧思,点解?唔系话距犯法,而系我觉得唔适合我做,仲有呢,你讲固个两兄弟担水食既故仔呢,有个新版本啊,就系细佬建紧水管既期间,仲要担水食,因为有好多人系修水管固阵会饿死~~~~我知道你依家个立场系好坚定,但系我想你思考下,因为,只听一家之言绝对唔系好事,希望以下几点你会真系用心甘去思考,而唔系一笑置之,你当俾面我啦,认真睇晒同埋认真甘思考下啦。 

1、做呢行,距既原理就系省略中间既环节,将固D钱返还俾经销商,但系金柏格广州分公司,系正佳广场MA77号,距所卖既1L精油先系338,而澳门既就要卖540,就系我切佐大单(一次过入6万2蚊货),我既入货价都要335,甘试问,作为一个经销商,我地既入货价仲贵过人地用传统方式卖既价,系咪有D搞笑呢?而且你仲要过澳门取货,车费呢?甘你可能会话,系SELL人唔SELL货,试问如果你既货品无竞争力,你既货最终会卖唔出,甘系咪变佐货品己经唔重要呢??最主要系SELL个计划?甘同非法传销有咩分别??? 

2、市场需求同公司既营业额成唔成正比??你地每个月营业额有亿几,甘多货,市场几时先消化晒?系每个月呙,如果个个月业绩甘好,消化力甘强,早就己经人手一支啦,但依家唔系呙,D货去晒边??咪又系经销商D大单度,甘市场需求同营业额唔成正比,呢D就叫做泡沫,并唔系好事,你再谂深,依家国内人均先1-2千蚊,按你甘用法,一个月要用四支油,己经两千几蚊,人地会唔会用两千蚊黎买空气??以前你地用桶装水黎作比较,但系人地桶装水先十几蚊一桶,一个月最多先用得固百几蚊,如果你地既产品甘平又真系几抵用啊,我都会成忠实用家,但事实并唔系甘样咯,所以我觉得好难做 

3、精油上面写明90%既系异丙醇,点解唔系90%既异丙醇微氧素(Ozoalcool)呢?异丙醇就异丙醇,Ozoalcool就Ozoalcool,点解唔标明D呢?系咪Ozoalcool呢个名只得亮碧思先有呢?系咪巧取??法国网站讲既功效有消除以下既气味同烟雾,::Cigarette smoke  (烟味):: Cooking odors   (烹饪气味):: Pet odors       (宠物气味):: Paint fumes     (油漆烟雾) 
甘系咪一支除臭剂??如果想要精油既疗效,点解唔直接买纯精油?平一大烂餐,十几蚊就有支细细支,异丙醇就系异丙醇,我宁愿相信政府所讲系有毒,系管制既危险品,你讲固个咩EC咩88固个认证,我查过系几年前既危险品管理认证,即系话同煤气一样,正常使用下无问题,但系,你会唔会系你屋企放甘多个煤气瓶?? 

4、系香港距系传销,不过系唔犯法既传销(香港无禁止传销条例,只有禁止层压式推销条例)所以距系合法,但系有人就同我讲系罗佐直销牌,我查过香港既直销会员名单并无亮碧思,国内唔可以做传销所以只可以拿直销牌,有几个规定好难通过,第一,经销商所得到既佣金唔可以超过30%,但亮碧思就可以拿到最高70%既佣金分成,第二,明文规定唔可以收取高额既入门费用,5000蚊,死定,第三,规定境外人员唔可以从事直销,港台澳都属于境外,我己经联系过广州工商局,距有专人联系过我,话甘样己经系违法,仲叫我提供资料俾距,可唔可以罗牌我唔肯定,但系我谂都几难。 

5、你有无呃过我?你话国内未有呢件产品,但实际上2002年己经系上海有得卖,系广州都系卖三百几蚊,阿明同我讲过,法国固边14欧元既精油系300ML装,但实际上1L装既先卖26欧元,即系港币两百几蚊,又呃我,韦爵爷话系香港罗佐直销牌,又系呃我,又同我讲话等于拿住张中佐既六合彩,等你去罗钱,讲到好易赚钱甘,但系甘样己经系违反佐经销商条例C。向阁下夸张声称好容易赚到钱。http://www.lampebergerhongkong.com/home/news/images/form/5.1.jpg你可以睇下 

6、你依家系38,如果要回本就要稳五个38先可以回到本,五个谂起身唔难,但系你谂下,你回佐本喇,但系涉及既资金就去到40万2000蚊!!你要集资40万先可以回到本,我系网站见过一个直销前辈写话,做业绩好简单,屯货就得啦,但屯既唔系货,系祸!!讲得好听就话用钱买时间,摊开黎讲本质都系屯货,用钱买位,亮碧思可以话系全行里面玩得最大既一间,唔怪得有BENZ抽,租甘贵既写字楼,但系羊毛出自羊身上,SELL人唔SELL货,每个系里面做既人都屯6万到100万不等既货,业绩当然厉害啦。 
7、你地只产品最终都系产生负离子再产生低密度臭氧,再加固小小精油,就卖到500几一支,仲要用唔到几耐,我何不买一个臭氧机,几旧水可以插电无限用,再买纯精油黎点,唔好同我讲你地D精油靓D呙,街度大把靓精油,几十蚊就有一支有排用,你地D产品既竞争力可想然之。 


根据以上所讲,我觉得间野好难做,长线并唔睇好,所以我唔会做,但亮碧思并唔系一无事处,起码距教识我认识传/直销,同埋点醒佐我,所以系度我都好多谢阿星你带佐我过去,星,如果你继续做,我真系好希望你唔好捐手烂脚,如果你认为由心里面觉得系亮碧思做好开心既话,我都邓你开心,但系,你真系认真D谂下我上面既问题啦,好无?你发达好,我邓你开心,但系你就唔好黎稳我喇,如果你将来有一日唔做,我好欢迎你稳我,仲系好兄弟。仲有,唔好再同阿明一齐过黎稳我喇,阿明系叻仔黎,系做直销既好材料,一个好领导,只系我唔想再食固D精神大餐,如果你要我过澳门退会同退商业登记,我会同你去,但系,我唔想有一班人出现,净得你,OK? 



    前排有个老友打电话黎同我讲,话依家系澳门做紧贸易生意,问我有无兴趣一齐做,我问距做咩产品,距就神神秘秘甘话,呢样野系国内未有,好有先机,头淡汤,但系具体系乜就系度同我耍太极,系都唔讲,都系固句,你想做就同我过澳门一转了解下啦,甘好啦,甘多年兄弟,无理由老点我架,就搞佐通行证同距过澳门了解,点知过到距地公司,人山人海,(差唔多全部都系自由行既内地人),本来都FEEL到有D唔妥,但系俾面个老友,就硬住头皮听距讲乜. 
     
    呢间传销公司系主要卖一只法国既薰香(无错系薰香唔系香薰),讲一大烂餐距D好处,咩消毒杀菌啦,增氧啦,纾缓都市病啦,分解二手烟啦等等,问我有无兴趣做,我话,无钱呙(距地要先购满5000大元既货再加几旧水既入会费先可以做经销商),甘我老友就话一世人两兄弟,借住俾我先(其实系距张大单度划5000货俾我,距张大单系用64000买翻黎既),因为要做佐经销商先可以听课解释俾你听点赚钱,一节课要100蚊,一共上佐两节,第二节课就系同你分析用64000黎买大单升级(咪就系屯货咯)有几多着数,收多几多佣,距地唔系教你点卖货,系教你点"叫人"上黎公司"了解",距地系广州亦都有个点系用黎上课,而且唔止一个. 

    事后翻到黎我上网一查,法国既厂商所标示既功效就无固间传销公司讲到甘神,而且距地净系砌人头,根本唔会教你卖货,仲要系个个都用64000买货升级,而且距系香港既名声简直臭晒,所以依家冒险上大陆稳水鱼加入(根据直销条例,任何未系国内申请到直销牌照既企业去开展直销业务,属于偷步行为,系违法既)依家系珠三角附近一带都几多水鱼入佐去做,系香港同国内亦都有反对固间公司既网站出现,曝光距地D做事手法,国内既网站,http://hi.baidu.com/%B7%B4%C1%C1%B1%CC%CB%BC,希望大家小心呢间公司,距个名叫做亮碧思.小心小心!!
  评论这张
 
阅读(259)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017